Salyan rayon Mədəniyyət Mərkəzində XX əsr Azərbaycan şeirində mütərəqqi romantizm cərəyanının görkəmli nümayəndələrindən olan Məhəmməd Hadinin anadan olmasının 140 illiyi münasibətilə tədbir keçirilib. Qeyd olunub ki, Məhəmməd Hadi Şərq və Avropa ədəbiyyatını, fəlsəfəsini dərindən mənimsəyərək şeirlərində yaradıcı şəkildə əks etdirib, orijinal şair kimi ədəbiyyat tariximizdə özünə layiqli yer tutub. Tədbirdə "Murad" Əlillər İctimai Birliyinin üzvləri şairin xalqın maariflənməsinə, qadın azadlığına, millətin tərəqqisinə həsr etdiyi şeirlərdən seçmələr səsləndirib. Sonra Məhəmməd Hadinin kitablarından ibarət sərgi nümayiş etdirilib.