Salyan rayon Mədəniyyət Mərkəzinin xüsusi tutulmuş tədbirlər planına uyğun olaraq rayonun bütün şəhər və kənd mədəniyyət müəssisələri yerlərdə "Mədəni istirahət sağlam həyatdır" adlı silsilə konsert proqramları təşkil edir. Növbəti belə konsert Aşıq Pənah adına Yenikənd Folklor Evində təşkil olunub. Tədbirdə Mədəniyyət Mərkəzinin direktoru Lətif Zərbəliyev, Mərkəzin əməkdaşları, mədəniyyət və incəsənət ustaları, həmçinin kənd ictimaiyyəti iştirak edirdi. Qeyd edək ki, belə tədbirlər sentyabrın ortalarınadək davam etdiriləcək.