Salyan rayon Mədəniyyət Mərkəzinin tədbirlər planına uyğun olaraq rayonun bütün şəhər və kənd mədəniyyət müəssisələri yerlərdə "Mədəni istirahət sağlam həyatdır" adlı silsilə konsert proqramları təşkil edir. İlk belə konsert Sarvan kənd Folklor Evində baş tutdu. "Çay" İstirahət Məkanında keçirilən tədbirdə Əməkdar mədəniyyət işçisi, şəhid atası Cahangir Qaraşov, Mədəniyyət Mərkəzinin direktoru Lətif Zərbəliyev, bədii rəhbər Vüqar Ağayev, mədəniyyət və incəsənət ustaları, həmçinin kənd ictimaiyyəti iştirak edirdi. Qeyd edək ki, belə tədbirlər sentyabrın ortalarınadək davam etdiriləcək.