Neftçala rayon Mərkəzi Kitabxanası ictimaiyyəti kitabxanaya cəlb etmək və mütaliəyə marağı artırmaq məqsədilə “Açıq kitabxana” xidməti təşkil etdi. Eyni zamanda gənc oxucu, həvəskar rəssam Firuzə Dadaşovanın “Rənglərin sehri” adlı növbəti sərgisi təşkil edildi. Həvəskar rəssamın yeni işlədiyi tabloların nümayiş olunduğu sərgidə kitabxanaçılar, kitabxananın fəal oxucuları, şəhər sakinləri, həmçinin rayon ərazisində yerləşən digər təşkilatların nümayəndələri də iştirak etdi. Sonda gənc rəssam Firuzə Dadaşova kitabxana rəhbərliyi tərəfindən “Tərifnamə” ilə təltif olundu.