Salyan Tarix-Diyarşünaslıq Muzeyində İstiqlal şairi, milli ideya mücahidi Xəlil Rza Ulutürkün anım günü keçirilmişdir. Rayonun mədəniyyət və təhsil işçilərinin iştirakı ilə keçirilən tədbirdə ilk olaraq şairin həyat və yaradıcılığına həsr olunmuş video-çarx təqdim olundu. Sonra muzeyin direktoru Rəfiqə Ağabəyli şair haqqında geniş məruzə ilə çıxış edərək, Ulutürkün doğma Azərbaycanını canından əziz tutan, vətəninə sevgisini təkcə sözü ilə deyil, əməli  ilə də sübuta yetirən vətənpərvər insan, başqalarına örnək ola bələcək güclü şəxsiyyət olduğunu vurğulamışdır. Durğunluq illərində belə bəzən açıq-açığına, bəzən isə sətiraltı mənalarla  əbədi azadlığın və cəsarətin fikrini oxucusuna çatdırmaqdan çəkinməmişdir.

Daha sonra mövzu ətrafında muzeyin bələdçisi Ağabəyova Qövsiyyə çıxış etdi. O, bildirdi ki, Xəlil Rza Ulutürk çoxlarından fərqli olaraq, poeziyada şəxsiyyətini, şəxsiyyətində isə poeziyadakı amallarını gerçəkləşdirmiş, təsdiq etmiş şairlərdən idi.

Tədbir iştirakçılr tərəfindən böyük maraqla qarşılandı.