Biləsuvar Regional Mədəniyyət İdarəsinin tabeliyində olan Neftçala rayon Mərkəzi Kitabxanasında Heydər Əliyevin anadan olmasının 96-cı ildönümü və Respublika Gününə həsr olunmuş Kitab bayramı keçirildi.

Bayram tədbiri Neftçala rayon Heydər Əliyev Mərkəzinin qarşısındakı parkda baş tutmuşdur. Onun təşkilinə kitabxana işçiləri ilə yanaşı qeyd olunan Mərkəzin və Neftçala Dövlət Rəsm Qalereyasının əməkdaşları da yaradıcı dəstək vermişlər. Bayram münasibətilə tamaşaçıların diqqətinə kitab sərgisi təqdim olunmuş, məktəbli oxucuların əl işlərindən ibarət rəsm sərgisi açılmışdır. Təşkilatçılar Nəsiminin 650 illik yubileyini də unutmayaraq xüsusi “Nəsimi guşəsi” təşkil etmişlər.

Kitabxananın balaca oxucularının ifasında səsləndirilən şeirlər və təqdim olunan rəqs nömrələri izləyənlərin ürəyincə oldu.

Oxu bayramında "Heydər Əliyev və milli ədəbiyyatımız" və "Vətənim Azərbaycan" adlı qiraət müsabiqəsi keçirildi. Müsabiqədə Neftçala şəhər 1, 2, 3, 4 saylı, Bankə qəsəbə 1 saylı, Həsənabad qəsəbə orta məktəblərinin və Muğan liseyinin şagird və müəllim kollektivi iştirak edirdi. Müsabiqələrin qalibləri Bankə qəsəbə 1 saylı orta məktəbin müəllimi Qəmbərova Qəmərxanım müəllimə və Neftçala şəhər 1 saylı orta məktəbin VIII sinif şagirdi Kərimova Fatimə oldu. 

Tədbirin sonunda Mərkəzi Kitabxananın və filiallarının fəal oxucularına mükafatlar verildi.