Biləsuvar rayon Xırmandalı kənd Uşaq incəsənət məktəbində yekun hesabat konserti və 28 May Respublika Gününə həsr olunmuş tədbir keçirildi. Tədbirdə Biləsuvar Regional Mədəniyyət İdarəsinin rəisi Elçin Hüseynov, rəis müavini Rəfiqə Cəfərova, Biləsuvar şəhər Uşaq  incəsənət məktəbinin direktoru Mehman Rzayev, Xırmandalı kənd xəstəxanasının baş həkimi Əsabəddin Səfərov, Xırmandalı kənd bələdiyyəsinin sədri Xeyrəddin Əli, valideynlər və kənd əhalisi iştirak etdi. Şagirdlərin rəngarəng nömrələri iştirakçıların alqışına səbəb oldu. Sonda mədəni-kütləvi tədbirlərdə fəqlənən müəllim və şagirdlər İdarə və məktəb rəhbərliyi tərəfindən fəxri fərman və tərifnamə ilə qiymətləndirildilər.