20 may 2019-cu il tarixdə Biləsuvar Regional Mədəniyyət İdarəsinin təşəbbüsü və Nizami Gəncəvi adına Salyan rayon Mərkəzi Kitabxananın təşkilatçılığı ilə kitabxananın qarşısındakı parkda Heydər Əliyevin 96-cı ildönümünə həsr olunmuş XI Kitab bayramı keçirildi.

Bayram tədbirində dövlət orqanlarının nümayəndələri, təhsil və mədəniyyət işçiləri, salyanlılar və şəhərin qonaqları iştirak edirdilər.

Salyan MKS-nin direktoru Səidə Əliyeva tədbiri giriş sözü ilə açaraq qonaqları salamladı və tədbir haqqında məlumat verdi. O, bildirdi ki, hər il ənənəvi olaraq keçirilən oxu bayramları mütaliə mədəniyyətinin formalaşmasında, kitaba sevginin və mütaliənin təbliğində əvəzsiz rol oynayır. Çıxış edən digər mədəniyyət işçiləri də kitabların insanın ən yaxşı dostu olduğunu, təfəkkürümüzü qidalandırdığını və mütaliənin ən yaxşı istirahət olduğunu vurğuladılar.

Tədbir çıxışlardan sonra bədii hissə ilə davam etdi. Salyan Uşaq Yaradıcılıq Mərkəzinin kollektivi, Salyan şəhər Uşaq İncəsənət Məktəbinin  və orta məktəblərin şagirdləri bayrama və yubileyləri qeyd olunan mədəniyyət xadimlərinə həsr olunmuş şeirlər, səhnəciklər, musiqi nömrələri təqdim etdilər.

Kitab bayramı tamaşaçılar tərəfindən böyük maraqla qarşılandı.