18.04.2019-cu il tarixdə Neftçala rayon Mərkəzi Kitabxananın Oxuculara xidmət şöbəsində görkəmli filoloq, şərqşünas, akademik Həmid Araslının anadan olmasının 110 illiyi ilə əlaqədar “Azərbaycan elminin cəfakeşi” adlı dəyirmi masa keçirildi.

19.04.2019-cu il tarixdə Neftçala rayon MKS-nin Aşağı Surra kənd kitabxana filialında dahi Azərbaycan şairi Məhəmməd Füzulinin 525 illik yubileyi münasibətilə “Azərbaycan şeirinin tacidarı” başlıqlı sərgi təşkil edildi.

18.04.2019-cu il tarixdə Neftçala rayon Mərkəzi Kitabxananın Uşaq şöbəsi Neftçala şəhər 3 saylı orta məktəbdə “Mədəni irsimizi yaşadaq: Əsrlərin yadigarı – Dədə Qorqud” boyları üzrə rəsm, əl işləri üzrə müsabiqə elan etmişdir. Müsabiqənin qaliblərini F.Köçərli adına Uşaq kitabxanası elan edəcəkdir. Rəsm və əl işlərini şagirdlər aprel ayının 30-dək Neftçala rayon Mərkəzi Kitabxanasının Uşaq şöbəsinə təqdim edə bilərlər. Müsabiqə 12-16 yaşlı yeniyetmələr arasında aparılır.

19.04.2019-cu il tarixdə Neftçala rayon MKS-nin 2 saylı şəhər kitabxana filialında məktəbliləri kitabxanaya cəlb etmək məqsədilə “Kitabxana uşaqların gözündə” adlı sorğu keçirildi.

Neftçala rayon MKS-nin Qardaşbəyli  və Aşaği Surra kənd kitabxana filialları Milli Qəhrəmanlar Abdullayev Şövqiyarın 50, Atakişiyev İntiqamın 45, Hüseynov Tofiqin 65 və Həbibov Rəfaelin 55 illik yubileyləri ilə əlaqədar “Unudulmazlar” adlı məlumat günü keçirdilər.

19.04.2019-cu tarixdə Neftçala rayon Mərkəzi Kitabxananın Oxuculara xidmət şöbəsi Xalq artisti, görkəmli aktyor, opera müğənnisi, rejissor, pedaqoq, tanınmış teatr xadimi Hüseynqulu Sarabskinin anadan olmasının 140 illiyi ilə əlaqədar Muğan liseyinin X sinfində “Səhnəmizin ilk Məcnunu” adlı xatirə gecəsi keçirdi.