Salyan Tarix-Diyarşünaslıq Müzeyində 2016-cı ilin aprel ayında şəhid olmuş baş leytenant Mehdiyev Rəşid Rövşən oğlunun anım mərasimi ilə əlaqədar tədbir keçirilmişdir. Anım tədbirində şəhidin valideynləri, döyüşçü yoldaşları və ictimaiyyət nümayəndələri iştirak etmişlər. Tədbirdə iştirak edənlər Rəşid Mehdiyevin qısa, lakin mənalı ömür yolundan ətraflı söhbət açmışlar. Bildirilmişdir ki, Rəşid Mehdiyev Salyan rayonunun Xələc kəndində dünyaya göz açsa da, şərəfli ölümü ilə bütün Azərbaycanın övladı oldu. İndi onun keçdiyi döyüş yolu hamı üçün örnəkdir. Sonda məktəblilərin iştirakı ilə vətənpərvərlik mövzusunda bədii kompozisiya nümayiş etdirildi.