2 Aprel Beynəlxalq Uşaq Kitabı Günü ilə əlaqədar Babazanlı kənd kitabxana filialı kitab sərgisi və tədbir keçirdi.

Aşağı Kürkənd kənd kitabxana filialı Aprel döyüşlərində qəhrəmancasına həlak olan şəhidləri anaraq tədbir və kitab sərgisi təşkil etdi.

Çuxanlı kənd kitabxana filialı  “Qəhrəmanlar unudulmur “ adlı söhbət keçirdi. Aprel döyüşlərində şəhid olan, qəhrəmanlıq göstərən igid oğullarımız haqqında, Azərbaycan hərbi qüvvələrinin erməni hərbi qüvvələrinin müdafiə xəttini yarıb bir neçə strateji yüksəklik və yaşayış məntəqəsi üzərində nəzarəti ələ keçirməsi haqqında məktəblilərlə söhbət aparıldı.

Quyçu kənd kitabxana filialı “Uşaq Kitabı Gününə” həsr edilən “Kitab mənim dostumdur” adlı tədbir keçirdi.Tədbirdə kitabxanaçı aprelin 2-si Beynəlxalq Uşaq Kitabı Günü” haqqında, uşaq ədəbiyyatı gününün məhz bu tarixə təsadüf etməsinin maraqlı tarixçəsi olması haqqında, bu əlamətdar günün qeyd olunmasında məqsəd cəmiyyətin diqqətini uşaq ədəbiyyatına, onun problemlərinə cəlb etmək olması barədə məktəblilərə məlumat verdi.

Quyçu kənd kitabxana filialı Aprel döyüşlərində şəhid olan, qəhrəmanlıq göstərən igid oğullarımıza həsr edilən sərgi təşkil etdi, məktəblilərlə söhbət aparıldı, şeirlər söylənildi.

Salyan rayon Aşağı Noxudlu kənd kitabxana filialı kənd məktəbi ilə birlikdə “Azərbaycan yurdum mənim” adlı tədbir, şeir kompozisiyası təşkil etdi.Tədbirdə kitabxanaçı, müəllimlər 2016-cı il aprelin 1-dən 2-nə keçən gecədən başlayaraq Azərbaycan və Ermənistan Silahlı Qüvvələrinin hərbi birləşmələri arasında baş vermiş hərbi münaqişə haqqında məktəblilərlə söhbət aparmış, döyüşlərin Azərbaycan Silahlı Qüvvələrinin qələbəsi ilə nəticələnməsi, Tərtər rayonunun Talış kəndi ətrafındakı yüksəkliklər və Seysulan kəndi, Cəbrayıl rayonunun Lələtəpə yüksəkliyi və Cocuq Mərcanlı kəndi, Goranboy rayonunun Gülüstan kəndi, Tərtər rayonunun Qazaxlar kəndi və Tərtər rayonunun Madaqiz kəndi istiqamətində yolların düşməndən azad olunması haqqında geniş danışdılar. Məktəblilər igid oğullarımıza həsr edilən şeirlər söylədilər.

Bu gün Salyan rayon Babazanlı kənd kitabxana filialının kollektivi  Aprel şəhidlərinin ildönümü ilə əlaqədar Salyan şəhidi Rəşid Rövşən oğlu Mehdiyevin məzarını ziyarət etmişdir. Məktəbin şagirdləri şəhidin məzarı üstündə qəhrəmanlıq şeirləri söyləmişlər.

Bu gün Salyan rayonu Yuxarı Noxudlu kənd kitabxana filialı kənd məktəbi ilə birlikdə İmadəddin Nəsiminin 650 illik yubileyini qeyd etdi.

Salyan rayon MKS-nin Uşaq şöbəsi 2 aprel 2016-cı ildə Lələtəpə uğrunda gedən döyüşlərdə göstərdiyi şücaətə görə ölümündən sonra "İgidliyə görə" medalı ilə təltif olunmuş şəhid Rəşid Rövşən oğlu Mehdiyevin qəhrəmanlıq səlnaməsini tərənnüm edən tədbir təşkil etdi.

02.04.2019-cu il tarixdə Salyan rayon Mərkəzi Kİtabxanada Kəlbəcərin işğal günü ilə əlaqədar "Gözü yolda qalan yurdum!" adlı anım günü keçirildi.