Salyan rayon Aşağı Noxudlu kənd kitabxanası kənd məktəbi ilə birlikdə "31 Mart Azərbaycanlıların Soyqırımı Günü"nə həsr edilmiş tədbir keçirdi.Tədbirdə kitabxanaçı, kənd müəllimləri məktəblilərə soyqrım haqqında, erməni vəhşilikləri haqqında məlumat verdilər.

Salyan rayonu Beşdəli kənd kitabxanası kənd məktəbində XX əsr görkəmli Azərbaycan şairi, yazıçı və dramaturq Cəfər Cabbarlının 120 illiyinə həsr edilmiş söhbət apardı. Kitabxanaçı yazıçının “Aslan və Fərhad”, “Mənsur və Sitarə”, “Gülzar”, “Dilarə”, “Dilbər”, “Papaq”, “Gülər” və “Firuzə” hekayələri haqqında məktəblilərə məlumat verdi.

Seyidsadıqlı kənd kitabxanası Azərbaycanlı dramaturq, şair və nasir, teatrşünas, kinoşünas, tərcüməçi, kinossenarist, jurnalist, aktyor, rejissor, Əməkdar incəsənət xadimi Cəfər Cabbarlının 120 illiyinə həsr edilən imformasiya saatı keçirmişdir. Tədbirdə kitabxanaçı məktəblilərlə şairin “Ana” şeirini müzakirə etmişdir. Kitabxanaçı «Ana» şeirinin təkcə C.Cabbarlının deyil, bütövlükdə Azərbaycan lirik şeirinin ən gözəl nümunəsi olması, ədəbiyyatımızda anaya həsr edilmiş ən yaxşı ədəbi abidələrdən biri olması, bu lirik şeirin anaya həsr olunmuş ən böyük himn, ən gözəl simfoniya olması haqqında məlumat vermişdir..