Bu gün Salyan Rayon Prokuroru Firdovsi Neymətli rayon mədəniyyət nümayəndələri ilə görüş keçirib. Tədbiri giriş sözü ilə baş məsləhətçi Günaydın Əhədova açaraq görüş üçün Firdovsi Neymətliyə təşəkkürünü bildirib, Salyanda mədəniyyət sahəsində son illərdə görülən işlərdən, Azərbaycan Respublikasının Prezidenti cənab İlham Əliyevin Azərbaycan mədəniyyətinə göstərdiyi diqqət və qayğıdan söz açıb. Sonra çıxış edən rayon prokuroru Firdovsi Neymətli Azərbaycan prokurorluq orqanlarının yaranması və inkişafı, müstəqillik dövründə bu orqanın fəaliyyətində ümummilli lider Heydər Əliyevin rolu, həmçinin Azərbaycan Respublikasının Prezidenti cənab İlham Əliyevin təşəbbüsü ilə respublikamızın prokurorluq orqanlarında aparılan hüquqi islahatlardan danışıb, şərəfli peşə sahiblərinin cəmiyyətdəki rolundan, cinayətkarlığa qarşı aparılan mübarizə işindən, eyni zamanda rayondakı vəziyyətdən söz açıb. Salyan rayon Dövlət Rəsm Qalereyasının direktoru İman Mustafayev, Mədəniyyət Mərkəzinin əməkdaşı Kürçaylı Məmmədov, Uşaq incəsənət məktəbinin müəllimi Mehdi Əhlimanlı, 2 saylı şəhər klubunun müdiri Həqiqət Əsgərova, Bəydilli kənd kitabxana filialının müdiri Apikə Mahmudova və başqaları onları narahat edən məsələlər barədə öz fikirlərini söyləyiblər. Görüşdə Salyan Rayon Prokurorluğunun əməkdaşları, mədəniyyət müəssisələrinin rəhbərləri, kənd klubları, kitabxanalar və folklor evlərinin əməkdaşları iştirak edib. Sonda xatirə şəkili çəkilib.