01.06.2026
İyunun 1-də Salyan rayon Heydər Əliyev Mərkəzində 1 İyun – Uşaqların Beynəlxalq Müdafiəsi Günü münasibətilə şəhid övladları üçün “Azərbaycan gəncləri, uşaqları ölkəmizin, xalqımızın milli sərvətidir, gələcəyidir və ümididir” adlı bayram tədbiri keçirilib. Tədbir Salyan Rayon İcra Hakimiyyəti, Yeni Azərbaycan Partiyasının Salyan rayon təşkilatı, Heydər Əliyev Mərkəzi və rayon Mədəniyyət Mərkəzinin birgə təşkilatçılığı ilə keçirilib.
Çıxış edənlər uşaqları bayram münasibətilə təbrik edib, ölkəmizdə uşaqların hərtərəfli inkişafının təmin olunması, sağlam böyüməsi və sosial rifahının yüksəldilməsinin dövlət siyasətinin əsas prioritet istiqamətlərindən biri olduğunu diqqətə çatdırıblar.
Tədbirin bədii hissəsində Salyan Rayon Mədəniyyət Mərkəzinin solistləri tərəfindən təqdim olunan musiqi nömrələri iştirakçılar tərəfindən maraqla qarşılanıb. Bayram proqramı uşaqların əyləncəli oyunları, musiqi çıxışları ilə davam edib.
Sonda uşaqlara hədiyyələr təqdim olunub, xatirə şəkilləri çəkdirilib.